' रक्तरेषा '
शनिवार, २७ जुलै, २०१३
रविवार, २१ जुलै, २०१३
ठोकळे
ठोकळे, ठोकळ्यांचा समूह, मग आख्खा एक ठोकळा
किंवा
आख्खा ठोकळा, ठोकळ्यांचा समूह आणि किरकोळ ठोकळे : एकूण एकच.
लाल ठोकळ्यातून उतरलास की काळापिवळा थांबव
शंभरची पत्ती दाखव
दिली नाहीस तर तो भाव खाणार
रिंकाम्या खिशाने बोंबलत पुढे जाणार
एरवी दहावीसचा धंदा ; पण आता नाही, तर कधी कमावणार ?
उजवीकडे मोठे भुयार
मग भुयारात भुयार !
आणि
मग तिथे ठोकळेच ठोकळे, ठोकळ्यात ठोकळे
काळे ठोकळे , पांढरे ठोकळे , खाकी ठोकळे ,
मळकट,कळकट, ठिसूळ आणि बळकट
लहान, मोठे, उंच आणि बुटके ; गब्बर आणि फाटके ठोकळे
एकदाचे तुझे भुयार शोध
सापडले ? नशीब समज !
आपले न परतीचे भुयार सापडणे हाच जीवनाचा उद्देश
हाच शिक्षणाचा फायदा ;
अडाण्याला कसला कळतो आणि वळतो कायदा ?
आता हळूच कानोसा घे ,आवाज नको करुस
हे तुझ्या बापाचे नाट्यगृह नाही किंवा पिरबाबाचा उरूस
घाई नको थांब ; आधी मोबाईलचा गळा दाब !
लिहिणाऱ्या ठोकळ्याला निरोप दे ; नावाचा तुझ्या पुकारा घे
शंभरची पत्ती त्याच्या घशात घाल
आणि ठोकळ्यांचा खेळ पहा-
काळे -पांढरे ठोकळे ,पांढरे ठोकळे, निव्वळ काळे ठोकळे ,किरकोळ ठोकळे
उभे आणि बसलेले , घुसलेले आणि फसलेले
लिहिणारे , बडवणारे , पुकारणारे
बाजू मांडणारे ,खोडणारे, तराजुला वारंवार हादरे देणारे,
सत्याचा गळा घोटणारे
युक्तीवादी ठोकळे !
आणि हा निव्वळ काळा ठोकळा :
याच्या अंगाला हजार डोळे;पण डोळ्यांच्या ठिकाणी खोबण
हा कधी कधी मुका आणि बहिरा सुद्धा !
याच्या तराजूत वजन टाक , भावना घाल चुलीत
अशुभ रडू ,भेकू नकोस:
साला, सकाळी सकाळी अपशकून नको !
गुमान बाजूला ये आणि आणखी एक पत्ती दे, पुढची तारीख घे
बोल पटकन, कन्नी काट, पुढच्या तारखेला आहेच गाठ
नाहीतर मग साडेपाच पर्यंत थांब
फरक काय पडणार राजा , तुझीच रोजीरोटी बुडेल ; तुलाच जायचे आहे लांब !
पुन्हा काळा पिवळ्या ठोकळ्यात बस
शंभरची पत्ती दे
आता लाल ठोकळा शोध
जीवतोड धावत; खिडकी पकड
आता निवांत हे धावणारे ठोकळे पहा ..!
- डॉ. सुनील अहिरराव
गुरुवार, ११ जुलै, २०१३
भिंत
आधी आपण वाळूवर घर बांधले
खेळता खेळता,
तू मोडून टाकलेस !
नंतर आपण हवेत स्वप्न बांधले
तू हलकेच फुंकर टाकलीस;
पत्त्यासारखे कोसळले !
आता
तुझ्या माझ्या आकाशाच्या मध्यभागी
आपण एक कडेकोट भिंत बांधू !
- डॉ. सुनील अहिरराव
सोमवार, ८ जुलै, २०१३
शोध
तू
माझ्यात शोधलेस आकाश ,चंद्र ,सूर्य ,तारे.
पर्वत ,नद्या, समुद्र, वादळे.
शोधलेस अश्रुंनी ओसंडुन वाहणारे भयाण प्रपात ,
वेदनांचे निबिड अरण्य,
आणि
अंतर्बाह्य धगीने पोळलेले दिशाहीन वाळवंट...
तू
शोधलास स्वप्नांनी लखलखता मय़ुरपंखी अंधार,
फुलांच्या पापणीत लपलेला वसंत
,
उजाड ओसाड क़ाटेऱी ग्रीष्म !
नंतर तू शोधलास देव, दगड, आणि दानव !
तू शोधत राहिलीस तुझ्या शोधाचे न संपणारे क्षितिज ;
तू मला शोधलेच
नाही... !
मेंदू
विचार
असे ...मग़ तसे आणि कसेही..
इथे -तिथे ,घऱात , रस्त्यात , ऑफिसात भुणभूण ;
मेंदू नुसता ठसठसतो !
कायच्या काय अंतर्बाह्य घुसळण.
प्रवास कुठुन कुठे .. कुठेच्या कुठे.
कसलेकसले मेंदूइतके क्लिष्ट संदर्भ:
धुसर, गडद ,काळे, निळे ,हिऱवे ,भगवे;
धावून येतात अंगावर !
दीर्घ युद्धातली वाताहत झाल्यावर अखेर तू भेटतेस :
विचार तिथेच अडतात, गुंततात ,
विसाव्याला थांबतात ...!
मी शिणलेला मेंदु टेबलावऱ काढुन ठेवतो !
- डॉ. सुनील अहिरराव
इथे -तिथे ,घऱात , रस्त्यात , ऑफिसात भुणभूण ;
मेंदू नुसता ठसठसतो !
कायच्या काय अंतर्बाह्य घुसळण.
प्रवास कुठुन कुठे .. कुठेच्या कुठे.
कसलेकसले मेंदूइतके क्लिष्ट संदर्भ:
धुसर, गडद ,काळे, निळे ,हिऱवे ,भगवे;
धावून येतात अंगावर !
दीर्घ युद्धातली वाताहत झाल्यावर अखेर तू भेटतेस :
विचार तिथेच अडतात, गुंततात ,
विसाव्याला थांबतात ...!
मी शिणलेला मेंदु टेबलावऱ काढुन ठेवतो !
- डॉ. सुनील अहिरराव
रविवार, ७ जुलै, २०१३
श्राद्ध
...आता एक घाव दोन तुकडे केल्यावर,
आपापल्या वाट्याचा रक्तबंबाळ तुकडा
जगापासुन लपवणे आलेच !
सोबत ठिबकणाऱ्या आठवांचा ओला हुंदका
आतल्याआत पोसणे आलेच..
य़ापेक्षा
जपली असतीस नात्याची अडखळती धडधड,
दिले असतेस थोडे श्वास ,
फुंकला असतास थोडा प्राण !
अगदिच वटवृक्ष झाला नसता,
खुरटेच ऱाहिले असते झाड ...तरिही ,ते फक्त तुझे नि माझे !
... आता
य़ा कलेवऱाचे दरक्षणी श्राद्ध करणे आलेच...!
- डॉ. सुनील अहिरऱाव
आपापल्या वाट्याचा रक्तबंबाळ तुकडा
जगापासुन लपवणे आलेच !
सोबत ठिबकणाऱ्या आठवांचा ओला हुंदका
आतल्याआत पोसणे आलेच..
य़ापेक्षा
जपली असतीस नात्याची अडखळती धडधड,
दिले असतेस थोडे श्वास ,
फुंकला असतास थोडा प्राण !
अगदिच वटवृक्ष झाला नसता,
खुरटेच ऱाहिले असते झाड ...तरिही ,ते फक्त तुझे नि माझे !
... आता
य़ा कलेवऱाचे दरक्षणी श्राद्ध करणे आलेच...!
- डॉ. सुनील अहिरऱाव
शुक्रवार, २१ जून, २०१३
युग
मी हे लिहून काढतो
मग ते लिहितो ,मग आणखीन ते ..
त्या त्या क्षणाचे , वर्षांचे ,जन्मान्मांचे संदर्भ !
कधी कधी शब्द फारच पोचट वाटू लागतात ,
मग मी कागद चुरगाळून फेकून देतो
असेलही कदाचित त्या चुरगाळून गेलेल्या ओळींत
एखादा निखाऱ्यासारखा जळजळीत शब्द,
मनाचा एखादा कापून काढलेला तुकडा
एखादा वाळवंटासारखा तप्त अश्रू
आणि तुझ्या आठवणीत वाहून गेलेले कदाचित आख्ये एखादे युग .. !
मग ते लिहितो ,मग आणखीन ते ..
त्या त्या क्षणाचे , वर्षांचे ,जन्मान्मांचे संदर्भ !
कधी कधी शब्द फारच पोचट वाटू लागतात ,
मग मी कागद चुरगाळून फेकून देतो
असेलही कदाचित त्या चुरगाळून गेलेल्या ओळींत
एखादा निखाऱ्यासारखा जळजळीत शब्द,
मनाचा एखादा कापून काढलेला तुकडा
एखादा वाळवंटासारखा तप्त अश्रू
आणि तुझ्या आठवणीत वाहून गेलेले कदाचित आख्ये एखादे युग .. !
याची सदस्यत्व घ्या:
पोस्ट (Atom)