एक पोकळी: एक आकाश
स्वतःपुरता एक अंधार...
रक्तिम ओल्या दलदलीतून
स्फुरत जातो एक आकार ..
स्वतःपुरती बंदिशाळा
एक दिशाहीन नाजूक वळवळ
रक्तमांस प्रवाहातून
जागत जाते एक धडपड ...
एक पोकळी एक प्रकाश
परके असे एक आकाश
ओल्या हळव्या हिरवळीवर
सरपटणारे खोल श्वास ..
एक सत्ता : एक संग्राम
स्थित्वासाठी एक झंकार !
एक प्रवाह: रक्तप्रलय
विरत जाती सारे आकार...
एक पोकळी : एक अंधार
निर्विकार - एक आकाश
एक साधना ,एक तपस्या
अनंततेचा एक ध्यास...
एक शय्या : एक क्षितीज
हरवणारे तिमीरबिंब ,
एक तेज शाश्वत सत्य
उमलणारे प्रकाशबिंब !
-डॉ. सुनील अहिरराव
(पूर्वप्रसिद्धी: लोकमत )
स्वतःपुरता एक अंधार...
रक्तिम ओल्या दलदलीतून
स्फुरत जातो एक आकार ..
स्वतःपुरती बंदिशाळा
एक दिशाहीन नाजूक वळवळ
रक्तमांस प्रवाहातून
जागत जाते एक धडपड ...
एक पोकळी एक प्रकाश
परके असे एक आकाश
ओल्या हळव्या हिरवळीवर
सरपटणारे खोल श्वास ..
एक सत्ता : एक संग्राम
स्थित्वासाठी एक झंकार !
एक प्रवाह: रक्तप्रलय
विरत जाती सारे आकार...
एक पोकळी : एक अंधार
निर्विकार - एक आकाश
एक साधना ,एक तपस्या
अनंततेचा एक ध्यास...
एक शय्या : एक क्षितीज
हरवणारे तिमीरबिंब ,
एक तेज शाश्वत सत्य
उमलणारे प्रकाशबिंब !
-डॉ. सुनील अहिरराव
(पूर्वप्रसिद्धी: लोकमत )
